Реализирана екоакција на ЈП Камена Река во која учествуваа сите вработени во претпријатието
ЈП Камена Река денес реализираше акција во која се чистеше и уредуваше градскиот плоштад и просторот околу црквата “Успение на Пресвета Богородица” во Македонска Каменица.
Во акцијата беа вклучени сите вработени во комуналното претпријатие. Ова е една од акциите кои ЈП Камена Река во континуитет ги спроведува во рамки на започнатата екоакција “Пролетно чистење”, со која е предвидено чистење и уредување на сите јавни површини на целата територија на општина Македонска Каменица.
Ваквите и слични екоакции од страна на ЈП Камена Река на територијата на општина Македонска Каменица ќе продолжат и во наредниот период.
